Deputeti i PD, Dashnor Sula ka reaguar në lidhje me padinë e dorëzuar pranë Gjykatës Kushtetuese për shfuqizimin e Bordit të Ushqimeve.
Sula në një komunikim për mediat tha se qeveria ka interes vetëm të mbushë arkën e shtetit në kurriz të shqiptarëve.
Sakaq shtoi se gjatë këtyre viteve në qeverisje nuk është sjellë asnjë risi dhe qeveria nuk ka mbrojtur konsumatorët.
“Qeveria kërkon të mbushë arkën e shtetit, ndërkohë që në një periudhë krize parate duhet të ndahet me qytetarët. Kjo është logjika e thjeshtë që kjo qeveri nuk ka mbrojtur konsumatorët. Pashë një përgjegjshmëri të lartë në anëtaret e Gjykatës Kushtetuese në trajtimin e këtij problemi dhe argumentet bindëse nga përfaqësuesi ligjor Marash Logu. Kjo është në interes të qytetarëve shqiptarë që vuajnë çdo ditë. Politikat e kësaj qeverie nuk ndihmojnë qytetarët. Nismat ligjore që ka marrë qeveria janë thërrime, fara lule dielli”, tha ai.
